ތިމަން އިލާހު، ކަލޭގެފާނުގެ ހިތްޕުޅު ކަލޭގެފާނަށް ޓަކައި ތަނަވަސްކޮށް ނުދެއްވަންތޯއެވެ؟
އަދި ކަލޭގެފާނު އުފުއްލަވާ ބުރަ، ކަލޭގެފާނުގެ ކިބައިން ތިމަން އިލާހު ލުއިކުރެއްވީމެވެ.
އެއީ ކަލޭގެފާނުގެ ބުރިކަށިފުޅަށް ބުރަކަންދީފައިވާ ކަންތަކެވެ.
އަދި ކަލޭގެފާނަށް ޓަކައި ތިމަން އިލާހު، ކަލޭގެފާނުގެ ނަންފުޅު މަތިވެރިކުރެއްވީމެވެ.
ފަހެ ހަމަކަށަވަރުން އުނދަގޫކަމާއެކު ފަސޭހަކަންވެއެވެ.
ހަމަކަށަވަރުން އުނދަގޫކަމާއެކު ފަސޭހަކަންވެއެވެ.
ފަހެ ކަލޭގެފާނު (ދުނިޔަވީ ކަންކަމުން) އަވަދިވެވަޑައިގަތުމުން، ފަހެ (އަޅުކަން ކުރެއްވުމަށް) ތެދުވެ ވަޑައިގަންނަވާށެވެ.
އަދި ހަމައެކަނި، ކަލޭގެފާނުގެ ރައްބުގެ ހަޒްރަތަށް، ފަހެ ކަލޭގެފާނު އެދިވަޑައިގަންނަވާށެވެ.