ދުވާލުގެ ކުރީކޮޅު ގަންދެއްވަމެވެ.
އަދި ރޭގަނޑު އަނދިރިކަން ފެތުރި، ހިމޭންވާ ހިނދު، އެ ރޭގަނޑު ވެސް ގަންދެއްވަމެވެ.
ކަލޭގެފާނު ރައްބު، ކަލޭގެފާނު ދޫކޮށެއް ނުލައްވައެވެ. އަދި ނުރުހުންވެވޮޑިއެއް ނުގަންނަވައެވެ.
އަދި ކަލޭގެފާނަށް ޓަކައި، ދުނިޔެއަށްވުރެ، އާޚިރަތް ހެޔޮކަން ބޮޑުކަން ކަށަވަރެވެ.
އަދި ނިކަންހުރެ، ކަލޭގެފާނުގެ ރައްބު، ކަލޭގެފާނަށް ދެއްވާނެކަން ކަށަވަރެވެ. ދެން ކަލޭގެފާނު ރުހިވަޑައިގަންނަވާނެއެވެ.
ކަލޭގެފާނު ޔަތީމަކު ކަމުގައިވަނިކޮށް އެ އިލާހު ކަލޭގެފާނު ދެކެވޮޑިގެން ނުވޭހެއްޔެވެ؟ ދެން އެ އިލާހު، ކަލޭގެފާނަށް ހިޔާވަހިކަން ދެއްވިއެވެ.
އަދި ކަލޭގެފާނު ހައިރާން ވެވަޑައިގެންވަނިކޮށް، އެ އިލާހު ކަލޭގެފާނު ދެކެވޮޑިގަތެވެ. ދެން އެ އިލާހު ކަލޭގެފާނަށް މަގުދެއްކެވިއެވެ.
އަދި ފަގީރަކު ކަމުގައި ކަލޭގެފާނުވާތީ، އެ އިލާހު ކަލޭގެފާނު ދެކެވޮޑިގަތެވެ. ދެން އެ އިލާހު ކަލޭގެފާނު މުއްސަނދިކުރެއްވިއެވެ.
ދަންނާށެވެ. ފަހެ ކަލޭގެފާނު، ޔަތީމު ކުއްޖާ ނިކަމެތިކޮށް ނުލައްވާށެވެ.
އަދި ދަންނާށެވެ. ފަހެ ކަމަކަށްއެދި އަންނަ މީހާއަށް، ކަލޭގެފާނު އަޑުލައި ނަހައްދަވާށެވެ.
އަދި ދަންނާށެވެ. ކަލޭގެފާނުގެ ރައްބު ދެއްވި ނިއުމަތުގެ ވާހަކައިން، ފަހެ ކަލޭގެފާނު ވާހަކަ ދައްކަވައި އުޅުއްވާށެވެ.